]font=Comic Sans Ms]
نصائح للأعضاء الجدد كيف تصبح متميز و معروف في وقت قصير
مسا الخير يا احلى اعضااااااء
انا حبيت اني انزل الموضوع هنا بالذات عشان يستفيد منه الاعضاء الجدد لأني لاحظت ان _ما شاء الله_ باستمرار عندنا اعضاء جدد كتير و برغم كده فالاعضاء اللي بيطرحوا او بيناقشوا او بيتفاعلو مع المواضيع معروفين بالاسم و مبيتغيروش
يمكن كلنا لما بنشترك في المنتدي ده بيكون لينا اهداف مختلفه .. لكن الاكيد ان ما في حد فينا يكره ان يكون اسمه معروف و ان مواضيعوا او ردودو تكون محل تقدير حقيقي و ليس تقدير ادبي فقط
و انا حاولت الخص شويه نقط باسلوب ان شاء الله تستفيدو ممكن كل عضو جديد لو اتبعها هيكون من الاعضاء المميزين من اول كلمه يكتبها و اللي المنتهي ان شاء الله
و لو حد كان عندوا اضافه يا ريت ما يبخل علينا بيها ... ونبتدي
أ- نصائح عــامه
1- كن حريصا علي زياره قسم التهاني و الترحاب و ارسال تهنئتك للأعضاء الجدد
هاد مش بس بيسعدهم .. كمان بعيطك فرصه اكتساب صداقه بسهوله و ضمان مشاهدين لمواضيعك و متفاعلين لردودكم و لو من باب الزوق .
2- تجنب استخدام التوقيعات المليئه بالصور بدون داعي ... لأن هذا يجبر بعض الاعضاء ممن يستخدوم اتصال بطئ بالنت علي الغاء خاصيه عرض التوقيع ووهذا طبعا بيدايئهم
ب - و انت بتكتب موضوع جديد
1- لازم تكون عارف ان التميز مش بيجي لمجرد انك بتنزل مواضييع كتير ... ركز في الموضوع اللي هتنزله لو عندك حاجه جديده محدش اتكلم فيها يبقي ماشي .. و اوعي تنزل موضوع لمجرد التواجد.
2- خليك امين .. مش عيب ابدا انك تكتب ان موضوعك منقول هاذ ما بقلل من قدرك بالعكس هذا بقيت الاعضاء هيحترموا فيك حاجتين
أولا الامانه
ثانيا انك مبخلت في نقل معلومه جديده او ضحكه حلوه ليهم
ثالثا _ يظهر انهم مش حاجتين_ انك عضو نشيط مشترك بتتابع اكتر من موقع و ليك اكتر من نشاط
3- الدقه ... لو بتنزل برنامج / فيلم / لعبه جديده لازم تكون متاكد ان اللينك اللي كتبته مزبوط و كمان يفضل انك تضغط "معاينه مشاركه" قبل ما تنزل الموضوع و تتاكد بنفسك من اللينكات اللي في موضوعك
كمان لو الملف عليه كلمة سر لازم تكون واثق انها معاك و سليمه
4- المتابعه ... لو طرحت موضوع للمناقشه او نزلت حاجه جديده لا تنسى موضوعك و لازم تتابع الاراء المطروحه لو موضعك للمناقشه و ترد عليها و لو برنامج لازم تتاكد ان ما في مشاكل قابلت الاعضاء
5- اسم موضوعك مهم جدا .. و لو موضوعك للمناقشه و الحوار حاول توضح هاذ الشي
6- مش معني اني مش متفق معاك يعني بقينا اعداء .. احترم و جهة النظر المضاده و لو مقتنعتش فيها حاول تعيد توضيح وجهة نظرك باسلوب جديد ..
7- وضوح و ترتيب و شياكه الموضوع بتدل علي انك بذلت جهد و حاولت ترضي اللي بيقراه .. و هاذا اكيد بيسيب مردود اجمل
ج- و انت بتقرا موضوع
1- لو الموضوع بيناقش قضيه او بيطرح وجهة نظر _ لازم يكون لك راي و اوعي ترد بكلمه "شكرا" او شبيهاتها علي موضوع مثل هاذ
قول رايك بوضوح .. و لو الراي اللي في الموضوع عاجبك اكتب انك بتؤيده ما تكتفي بالقراه و تمشي ..
2- اخوانك اللي نزلوا برنامج جديد او لعبه او اي شئ بيتعبوا عشان يجيبوا الموضوع هذا و مش اقل من التشجيع هذا اقل شئ
3- لو عندك اي فكره او معلومه عن البرنامج الو اللعبه اللي في الموضوع اكتبها علي طول ما تقول ان اكيد كلهم عارفينها
4- لو دربت نفسك انك تشارك بالاشكال اللي فوق ..صدقني حاجات كتير جدا في شخصيتك هتتغير اهمها السلبيه يعني برضه انت مستفيد
5- لو كنت مسجل فـ المنتدي عشان تنقل المواضيع و بس ... فحتي هذه محتاجه انك تشجع الاعضاء اللي بيكتبوا مواضيع عشان علي الاقل تلاقي حاجه تنقلها....
اكيد لاحظتوا ان العناصر اللي بتقيم الموضوع الجيد اكتر و اصعب من العناصر اللي بتقيم الرد الجيد و هذه يؤكد لكم نقطه واحدة في الجزء الخاص ب "و انت بتكتب موضوع جديد"
وان شالله كلنا نستفيد منه ونعمل فيه
مع اجمل تحياتي [/font]
